Parichay (Ikka Ft. Amit Bhadana)

Parichay Lyrics – Ikka Ft. Amit Bhadana, starring Ikka, Amit Bhadana. The Song is sung by Ikka Ft. Amit Bhadana and music has been composed by Byg Byrd and lyrics have been penned by Ikka, Amit Bhadana.

Parichay

Song: Parichay
Music Director: Byg Byrd
Lyrics: Ikka, Amit Bhadana
Singers: Ikka Ft. Amit Bhadana
Star Cast: Ikka, Amit Bhadana
Video Director: Inflict
Music Label: Amit Bhadana Channel



Parichay Lyrics

Jawala jaga andar,
Kis baat se hain tang,
Duniya se nai,
Khud se hain teri jung…

Bimaar ho gya tha,
Laga maut thi karib,
Woh daur tha kuch aisa,
Woh waqt tha ajib,
Jab yeh laga tha lagne,
Ki khota hain naseeb,
Tab mila YouTube,
Aur khud me belief…

Middle class family,
Par soch rakhi high,
Aaj bhi hain yaad,
Chacha ki sutayi,
Pitaji ka gussa,
Uske piche ki duayein,
Aaj bhi taklif to,
Maa hi yaad aye…

Haan mujse pucho kise kehte hai rona,
Haan mujse pucho kya hota hain khona,
99 me kho diya pita ji ko meine,
Mujse pucho hota kya hain pitaji ka hona…

Mere chacha ji or daadi,
Bhagwan ke do roop,
Chhanv me hain rakha,
Na lagne di hai dhup,
Paal ke bada kiya,
Bada dia nasib hain,
Nasib wale hote jo,
Apnon ke karib hai…

Jo thi pehle nafratein,,
Jo thi pehle gaaliyan,
Aaj woh hai tareefein,
Aaj wohi taaliyan,
Meine ki hain mehnat,
Jo dekha meine paa lia,
YouTube ke through naya,
Parivar hain bana lia…

Chhoti si umar me,
Ek chhotu mera yaar tha,
Bat ball khelte,
Wahi mera pyar tha,
Ghar ki gareebi ki,
Wajah se sab chhoda,
Aaj bhi hain yaad,
Chacha ne jab balla mera toda…

Khel kood chhod jimmedariyan uthayi,
Sapnon ko chhod krne laga main padhai,
Tha aata taras dekh maa ki tanhayi,
Behan baithi ghar pe,
Jiski sunni thi shehnayi…

School me tha maskhara,
Sabko tha hasata,
Band kamre me roya,
Na kisi ko jatata,
Adhyapak the bolte ke esko na padhana,
Pankaj Kaushal bole naam hain haan,
‘Amit Badhana’..

18 ka ladka college me jaake bhatka,
Chakachondh me tha kho gya,
Jo na tha main woh ho gya,
The jinke dil tode unse maafi hath jod ke,
Jinhone diye dhokhe unhein Ram-Ram bol ke…

Jo thi pehle nafratein,
Jo thi pehle gaaliyan,
Aaj woh hai tareefein,
Aaj wohi taaliyan,
Meine ki hain mehnat,
Jo dekha meine paa lia,
YouTube ke through naya,
Parivar hain bana lia…

Padhai me na mann,
Kuch bada tha karna,
Jeb khaali roti aakhein,
Aur akela kamra,
Aankhon me le aansu,
Hasna meine seekha,
Hasne ne sikhaya mujhe,
Jeene ka tarika…

Angrezi gaanon pe,
Kiye desi gaane mix,
Dubbing sun logon ka,
Pyar hua fix,
Copyright pad gya udd gaya content,
Tut gya dil bikhre the saare sentiment…



Phir main khud video me aaya,
Content fresh tha meine banaya,
Desi content jo des se juda,
Desi dekh desi sabka banne laga…

Party me mile kuch bade youtuber,
Udaya jinhone mera munh par mazak,
Gussa main pee gya wapas wahi gya,
Jahan tha Avinash aur Rohit ka sath,
Meine kaam se diya,
Naam waalon ko jawab,
Sabke muhh band chukta hisaab…

11 million ka tay kiya fasla,
Mere fans meri jaan,
Mere fans mera hausla,
Fanfeast jinke lie chhoda,
Unhi ne dil toda,
Ki dagabaazi mujse,
Mujse andar se jhinjhoda,
Fanfeast pe jaunga,
Gale fans ko lagaunga,
Pichhle saal nahi aya,
Maafi main chahunga…

Jo mehnat se kamaye,
Un fans pe hain naaz,
Desh ki awaaz 4-5 dost khaas,
2-4 kam par jitne lajawab,
Pure kie khud ke dum par,
Jitne dekhe meine khwaab…

Kuch logon ka yeh bhi kehna hain,
Na to yeh party karta hain,
Na hi yeh industry ke logon se milta hain,
Main batata hu,
Es industry culture kuch aisa hain,
Yeh ugte suraj ko salaam karte hai,
Jab mera bura waqt mere kaam ke lie tha,
To mera acha waqt bhi kaam ke lie hi hoga…

Jo thi pehle nafratein,
Jo thi pehle gaaliyan,
Aaj woh hain tareefein,
Aaj wohi taaliyan,
Maine ki hai mehnat,
Jo dekha maine paa lia,
YouTube ke through naya,
Parivar hain bana lia…

Bachon ke sath mummy-papa ko hansaya,
Gandh nai content parivar ek banaya,
Phir bhi kaafi log bas,
Gandh hi sarahate hai,
Mere saaf content or views,
Jawab de jaate hai…

Instagram admin mujhe rokna yeh chahte,
Par yeh log meri soch kabhi rok nahi payenge,
Jitna bhi laga lo zor utna laga lo,
Par yeh ugte suraj ko kabhi rok nahi payenge…

FB Insta admin ka bas kaam,
Kar na burai chand rupaye lekar,
Na deen na imaan,
Yeh woh jo ghumnaam,
Phir kya ukhaad lia itne paise dekar,
Ha ha ha…

Mera vision clear,
Inka hain blur-blur,
Barsaati medhak saare karein tarr-tarr,
Bhole bhaale bachche bigaadte ho tum,
Jaldi se utro yeh bithayenge na sar par…

Kuch anpadhon ka kehna ‘Amit’ hain ganwaar,
Kyun ki apni desi boli ka kia hain prachaar,
Jo kiya hain meine uska aadha bhi tu kar,
MLO ki degree aan sadd rahi hain ghar par,
Angreji aati ache se tujhe sikha bhi du,
Hindustan ki main mitti tabhi to Hindi hu,
Jo bhasha apni bolne me sharmaate hai,
Wo wahi hai thookte jahan woh khaate hai…

Kapde se jaati class nahi dekhi,
Meine daali dariya me karke kaafi neki,
Ek hi hai aur ek hi rahega,
Yeh talent pe yakeen na ki koyi shekhi,
YouTube aur viewers main aapka abhaari hu,
Pyar aapka tabhi sab pe bhaari hu,
Na main fake na fenku bas itna farak,
Maa ki aankhon ka hu taara,
Jo raha hain chamak…

Jo thi pehle nafratein,
Jo thi pehle gaaliyan,
Aaj woh hain tareefein,
Aaj wohi taaliyan,
Maine ki hai mehnat,
Jo dekha maine paa lia,
YouTube ke through naya,
Parivar hain bana lia…

Pitaji aaj aap jahan par bhi ho,
Mujhe pta hain aap mujhe dekh rhe ho,
Tabhi aapka ashirwad or pyar mere sath hain,
Mummy aap mere sar ka taj hai,
Daadi or chacha ko bhi aaj mujpe naaj hain,
Doston tumhari bhaabhi bhi mere paas hain,
Yeh gaana un sabhi ke lie,
Jinhone mujhe bahut kuch sikhaya,
Aur aaj kya se kya banaya,
Mere sabhi chahne walon ko,
Dil se shukriya aur pyar,
Na chahne walon ko bhi bahut saara pyar…

Aapka apna ‘Amit Bhadana’…